O xoves pasado
deunos Mariluz o que cremos que será o último paquete de material escolar para
levarmos a Ucraína: caixiñas cheas de gomas de borrar, afías e globos de
diferentes formas e cores... Que ilusión!
Así, gran parte
da tarde do domingo pasámola Rosalía e mais eu empaquetando todo e facendo lotes para repartir
equitativamente todas as cousiñas que nos fostes facendo chegar ao longo destes
últimos once meses.
A verdade é que o pasamos de marabilla
distribuíndo o material e enchendo ata seis grandes bolsos con 19,5 kg cada un, iso é o
que estimamos que poderemos facturar entre os seis. Os 13 kg restantes ata 130 son libretiñas, 130 cadernos de 100 g.
Agora esperaremos a facer a nosa equipaxe persoal que será de man e por iso o máis reducida posible xa que terá que ir na cabina do avión, unha vez metido o imprescindible intentaremos acomodar en cada unha das nosas mochilas eses cadernos ata lograr transportar o total do material que nos destes.
Agora esperaremos a facer a nosa equipaxe persoal que será de man e por iso o máis reducida posible xa que terá que ir na cabina do avión, unha vez metido o imprescindible intentaremos acomodar en cada unha das nosas mochilas eses cadernos ata lograr transportar o total do material que nos destes.
Grazas, moitas grazas unha vez máis!!!
Por outro lado, o sábado dediqueime a
organizar a documentación imprimindo e ordenando todas as reservas feitas desde
o pasado catro de agosto (voos, albergue, aluguer da casa, da furgoneta...),
xuntando os pasaportes, carné de conducir internacional, tarxetas sanitarias, etc.
etc...
E así imos vendo que axiña chega o día de
marchar. Esta mañá tamén recibín un correo electrónico do albergue de Kiev
para que lles confirmase os días da nosa estancia e pola tarde chegoume outro
do dono da casiña que alugamos...
Ai, que pouquiño falta xa!!!
5 comentários:
Ainssssss!!!, que me poño nerviosa...!!!!
:o*****************
Vamos Cris, vamoooooooooos.
Eu tamén comezo a sentir bolboretas no estómago, unha mestura de ilusión, responsabilidade e preocupación...
Ainssss! Biquiños!!!
Aix! Que pouquiño queda! Que ganiñas temos de marchar convosco!!! :*
Boa viaxe amiguiños, sodes coma os nosos 'apalpadores' para eses nenos e nenas de Ucraína. Estaremos 'retellando' con vós. Moitos bicos.
Tartarouchos: e nós de levarvos, de seguir compartindo toda esta aventura con vós ;)
Grazas Retelladores! que cousa máis bonita ser os vosos "apalpadores", será estupendo achegarlles esas castañas da vosa parte.
Biquiños e benvidos a bordo!!!
Enviar um comentário