A semana pasada tomei un dos
cafés máis agradables dos últimos meses, foi en Outeiro de Rei. Moitas grazas
Saúl por todas esas pinturas, lapis, bolígrafos e rotuladores que levaremos alá envoltos en
ilusión.
Tamén me prestou un montón
recibir unha caixiña que viña de estar días atrás no Instituto de A Estrada, alí
foron xuntando material escolar da man de Heladio e Fernando para facérnolo chegar
a través de Mariví e Belén. Moitas grazas a todas as persoas implicadas e moito ánimo
a ese Club de Lectura “Retelladores do Galiñeiro”. Sodes fantásticos!!!
E tamén tivemos
outra aportación de grupo, desta volta foi o alumnado de Atención Educativa de
2º de ESO do Instituto de A Pontenova coordinados pola súa profesora Elena. Mirade que cousiñas tan chulas
fixeron para que levemos alá. Que artistas!!!
Por outro lado,
estou botando en falta tempo para darlle unha boa volta á carpeta na que fun
arquivando toda a documentación da viaxe desde o 1 de agosto do ano pasado:
reservas de voos, aluguer de furgoneta, bonos de hotel para Madrid, reservas de
albergues, contrato da casa de aluguer, enderezos dos orfanatos, pasaportes,
tarxetas sanitarias, carné de conducir internacional, etc. etc. Hai xa tanto tempo que os fomos tramitando!!!
O seguinte paso será comezar
co empaquetado facendo lotes máis ou menos heteroxéneos con todas esas cousiñas
vosas que cada día reclaman un
chisco máis de espazo.
Así que xa sabedes, ídevos preparando que
nuns días saímos...
Que non quede ninguén en terra!!!
Sem comentários:
Enviar um comentário