Certamente
foi un día tranquilo. Desde que nos levantamos enredamos pola casa ata que case
foi a unha do mediodía.
Daquela
subimos á furgoneta para saír cara á praia e pasar o día en Illichivs´k.
Xogar
na area, refrescarnos nas frías augas do Mar Negro, xantar no entorno da praia,
pasear pola vila e volver para a casa pasadas xa as oito da tarde.
Xa
na casa comezamos a recoller as nosas cousas para saír mañá de novo cara Kiev (Kyiv). Ás 11 virán os pais do rapaz que
nos alugou a casa e despedirémonos deles para, a continuación, percorrer os
case 500 quilómetros que nos separan da capital.
Que
gusto dá comprobar que a equipaxe cada vez pesa menos!!! Tamén nesta rexión do
sur de Ucraína deixamos parte de vós… e de nós!
Imos
descansar para coller mañá o camiño con ilusión. Sabedes? Antes de chegar a
Kiev o contaquilómetros da furgoneta marcará 2000 km !!!
Penso
que non perdemos o tempo ;)
Ata
mañá!
Sem comentários:
Enviar um comentário