Antes de nada quero
agradecervos a fantástica acollida que lle estades dando a “O agasallo de Anya”
(onte recibín un correo de Slide Share comunicándome que chegara ás 100 vistas
nunha semana).
GRAZAS!!!
Non vos imaxinades a ilusión
que me fai saber que é do voso agrado e que incluso algunha de vós estades a
traballar con el no cole ;))))
E agora, a falta
de pouco máis dun mes para a
nosa partida rumbo a Ucraína, infórmovos dos últimos acontecementos: unha de cal
e outra de area...
O contacto cos orfanatos de alá segue a ser
complicado, finalmente non poderá acompañarnos Ludmila na nosa estancia no seu país :(
Intentaremos que, cando menos, quede algún
contacto feito para que nos resulte algo máis doado chegar e ser recibidos polos nenos e nenas ucraínas...
Non sei porque me dá que habemos ter ben aventuras que contarvos ;)
Non sei porque me dá que habemos ter ben aventuras que contarvos ;)
En canto á recompilación de material, iso
si que son boas novas!!! Practicamente estamos xa nos 100 quilos que era o
obxectivo marcado nun principio e limitado polo peso que podemos transportar no
avión.
Grazas, moitísimas grazas a todas e todos
por conseguilo!!!
Xa sei que hai algunhas persoas que
tiñades/tedes intención de colaborar aínda e quizais outras que, polas razóns
que sexan, tedes o material e non nolo puidestes facer chegar. As que esteades
nestas situacións non deixedes de contactar con nós pois poderiamos reducir un pouquiño máis a nosa equipaxe persoal para dar
cabida a algunha que outra cousiña para os nenos e nenas de alá.
O que si vos agradecemos é que nolo fagades
chegar ANTES DO 15 DE XUÑO pois entre esa data e a nosa saída cara a Ucraína
queremos distribuílo todo en mochilas e así facer un reparto equitativo
atendendo ás necesidades dos diferentes lugares que imos visitar.
É só unha cuestión de organización pero moi importante e que quixeramos facer evitando os apuros e atracóns de última hora. Parécevos?
É só unha cuestión de organización pero moi importante e que quixeramos facer evitando os apuros e atracóns de última hora. Parécevos?
O dito entón, moitísimas grazas por
seguirdes aí, por acompañarnos nesta aventura e por deixarnos levar alá un
pedaciño de cada un e cada unha de vós.
Sem comentários:
Enviar um comentário