A que non sabedes?
Hai uns meses estivemos a
puntiño de facer unha colaboración entre “Mochilinhas de Cores” e un colexio de
Lugo pero, finalmente, o plan non puido saír adiante :(
A idea era que, nun primeiro
momento, eu acudise ó colexio para contarlles ás nenas e nenos en que consiste
“Mochilinhas de Cores” e despois eles, xunto coas profes, colaborarían con nós
para que levásemos as súas valiosísimas aportacións a Ucraína.
A que pintaba ben?
A que pintaba ben?
O caso é que cando souben que
a quen lle tería que explicar todo este proxecto sería probablemente alumnado
de Infantil e Primeiro Ciclo de Primaria (de 3 a 7 anos) deime de conta de
que non me ía ser doado facerme entender e entón cavilei en…
… CONTARLLES UN CONTO!!!
Ilusioneime tanto coa
invención da historia que cando me comunicaron que non podía saír adiante a
actividade no cole, decidín facelo igualmente ;)
A experiencia está sendo moi
gratificante, levo máis dun mes a voltas con el, discurrindo e divertíndome. E
agora que xa o teño medio artellado, iniciamos a fase de colaboración cos
pequenos; é estupendo considerar as súas aportacións para mellorar os textos
así como divertirnos e aprender disparando centos de fotografías para ilustralo
con imaxes.
En fin, que por un lado desexo
velo rematado para poder compartilo con todas e todos vós pero, por outro, dáme pena
acabar co proceso de creación co que tanto estamos a aprender e disfrutar…
(continuará)
3 comentários:
Ainssssssssssss, que xenial Sabela !!!!!! sodes xeniais mágoa que non puidera ser. Eu nunca dubidei da vosa capacidade para transmitilo e moito menos de que iades atopar a maneira de facelo con tanta tanta creatividade e bo gusto.
Joooooooooooooooo, eu queriaaaaaaaaa.
Me pido que o ano que van fagamos algo xuntos vale? vale? vale?
Bicos e noraboa, osdes xeniais.
Moitas grazas, Catuxa!!
Non te preocupes porque non saíse adiante; nós estámolo disfrutando dun xeito parecido e en canto ás nenas e nenos do cole -como xa falamos daquela- recibiron igualmente ideas e valores similares ós que nos lles podiamos transmitir e iso é o realmente importante.
Un biquiño grande, grande e ata pronto. Temos pendente unha tarde de escalada, eh! ;)
Sei sei que temos epndente unha quedada. NOn me esquecín. En canto remate a tolería find e curso falamos e facemos quedada bruxiñas e rochas, vale??? Bicos
Enviar um comentário