Unha tarde especial

Xa dicía eu que neste Proxecto iamos recibir moito máis do que fósemos capaces de dar... Madia leva!

Onte pasamos unha tarde moi especial. "Mochilinhas de cores" foi a excusa perfecta para pasar unha tarde de amigas (con parellas, fillas e fillos incluídos) inesquecible: risas, lembranzas, xogos, baños na piscina, conversas, algo para picar e beber... Toda esta mestura convertiu esas horiñas nunha inxección de endorfinas ideal para comezar este outono que ameaza con instalarse dun momento a outro.

E por se todo iso fose pouco, a mesa da cociña quedou así de repleta de agasallos para obsequiar a eses neniños e neniñas de Ucraína ós que debemos, en gran parte, a bonita tarde de onte ;)

Grazas Rosana, Mari, Raquel, Cristina, Rita, Carlos, Calvi, Xan, Sabela, Uxía, Antón, Zeltia, Lagoa e grazas tamén a Miguel que non deu chegado porque a preciosa lúa de onte fixo que aqueles animaliños non desen esperado un chisco máis para parir...

GRAZAS!!!!